زاگرۆس پۆست
ژمارە‌یەكی زۆر لە كرێكارانی شارەداریی شاری”سەقز”، نزیكەی سێ مانگە، حەقدەستیان پێ نەدراوە.
بە پێی هەواڵێ گەیشتوو بە *زاگرۆس پۆست*، كۆمپانیایەكی پەیمانكاریی سەر بە “پارێزگای ورمێ” بەرپرسایەتی كرێكارانی شارەداریی شاری “سەقز”ی لە ئەستۆدایە و تا ئێستا سێ مانگ حەقدەستی ئەو كرێكارانەی پێ نەداون و.
ئەمەش لەحاڵێكدایە كە، ئەمڕۆ چوارشەممە 19ی مانگی سەرماوەز، چەند كەس لەو كرێكارانە خۆیان لە بەر ئۆتۆمبیلی بەڕێوەبەری ئەو كۆمپانیایە راكێشاوە و خوازیاری وەرگرتنی حەقدەستە دواخراوەكانیان بوون.
لە لایەكی دیكەوە گومانی ئەوە هەیە، كە ئەم دواكەوتنی حەقدەستە پیلانێك بێ بۆ لاچوونی رەزامەندانەی ئەو كۆمپانیایە و هاتنە مەیدانی كۆمپانیایەكی دیكە، كە ئەویش ماوەیەك كرێكاران بچەوسێنێتەوە و حەقدەست و خزمەتگوزارییەكانیان وەدوابخات.
