زاگرۆس پۆست
كرێكارێكی كورد بە ناوی نێعمەت ئیسحاقی لە كاتی كاركردندا لە قاتی چوارەمی بینایەكی نیوەكارە دەكەوێتە خوارەوە و بە توندی بریندار ببوه.
ماڵپەڕی ئاسۆی رۆژهەڵات بڵاوی كردووەتەوە: نێعمەت ئێسحاقی كە نزیك بە یەك مانگ لەمەو پێش لە زیندان ئازاد كراوە، لە قاتی چوارەمی بینایەكی نیوەكار لە تاران دەكەوێتە خوارەوە و بە توندی بریندار دەبێت، ناوبراو ئێستاكە لە نەخۆشخانە لە دۆخێكی نالەبار و مەترسیدار دایه.
جێگەی ئاماژەیە: نێعمەت ئێسحاقی دانیشتووی گوندی ” تا ” سەر بە ناوچەی “ژاوەرۆی” شاری “كامیاران”ەو رێكەوتی 13/9/ 1388 لە لایەن هێزەكانی ئیدارەی ئیتلاعاتی ئەو شارەوە دەستبەسەر كراو و لە دادگای ئینقلابی شاری سنە بە تۆمەتی هاوكاری كردن لە گەڵ یەكێك لە حیزبە كوردیەكان بە 12 ساڵ زیندان مەحكوم كرا و پاشان لە دادگای پێداچوونەوە حوكمەكەی بوو بە 9 ساڵ زیندان.
شایانی باسە، نێعمەت ئێسحاقی پاش تێپەڕاندنی نیوەی حوكمەكەی بە شێوەی یاسایی دەبوو بە ” بەخششی مەرجدار” ئازاد بكرایەت، بەڵام بە هۆی دژایەتی كردنی بەرپرسانی ئیتلاعاتی شاری كامیاران پاش 5 ساڵ مانەوە لە زیندانی ناوەندی شاری سنە ئازاد كرا.
