زاگرۆس پۆست
كارخانەی قەندی “نەغەدە” بە شێوەی ئاشكرا و لە كڵاوبەردارییەكی بێ وێنەدا، شیرەی چەوەندەری قەندی وەرزێڕانی ناوچەكەی بە شێوەی مامناوەند ١٦ حیساب كردووە و مافی ئەو وەرزێڕانی پێشێل كردووە.
ماڵپەڕی پەیام بڵاوی كردۆتەوە، كە بایەخی هەر تۆن چەوەندەر بە شیرەی ١٦ بەرابەر واتە ٢٤٥ هەزار تمەنە و بە شیرە، ٢٠ بەرابەر واتە ٣٠٠ هەزار تمەنە، بەڵام كارخانەی قەندی “نەغەدە” تەنانەت شیرەی ٢٢شی بە شێوەی مامناوەند حیساب كردووە و هەمان رێژەی ٢٤٥ هەزار تمەن حیساب دەكات و بەم شێوەیە بەنیازە بەشێك لە بەرهەمی رەنج و كاری چەوەندەركارانی ناوچەكە بە تاڵان بەرێت و لە وڵامی ناڕەزایەتی وەرزێڕاندا رایانگەیاندووە كە بەرهەمەكانتان بە كارخانەیەكی دیكە بفرۆشن.
هەروەها كارخانەی قەندی شاری “خۆی” بۆ هەر تۆن تەنیا ٢٤٥ هەزار تمەن پارە دەدەن و ئەمەش وەرزێڕان و خەڵكی زەحمەتكێشی ناوچەكەی لەم بارودۆخە زۆر نیگەران و ناڕازی كردووە.
