زاگرۆس پۆست
كۆمەڵێك زانای هۆلەندی لە توێژینەوەیەكدا ئەوەیان ئاشكراكردووە كە 10 چركە ماچكردن 80 ملیۆن میكرۆب بۆ مرۆڤی بەرامبەر دەگوازێتەوە.
زاناكان ئەوەیان ئاشكراكردووە كە لەجیهاندا نزیكەی 700 هەزار جۆر بەكتری هەن و ئەو بەكتریایانەش بەشێوازی ئاسان دەگوازرێنەوە و ماچكردنیش یەكێكە لەو هۆكارانەی كە بەخێراترین شێوە بەكتریاكان دەگوازێتەوە.
هەرلەو توێژینەوەیە ئەوەش ئاشكرا كراوە ماچ هەتا گەرمتر و ماوەكەی زیاتر بێت بەكتری زیاتر دەگوازێتەوە لە دەمی كەسێكەوە بۆ بەرامبەرەكەی و وادەكات ئەم دوو مرۆڤە بەهۆی بەكتری هاوبەشەكانی نێوانیانەوە سیستمی بەرگریان بۆ هەمان جۆرە نەخۆشی بەهێزتربێت و بشتوانن زیاتر بەیەكەوە هەڵبكەن چونكە بەهۆی ئەو بەكتریایانەوە دەتوانن هەمان جۆر خواردن بە ئاسانی هەرس بكەن.
زاناكان ئاماژە بەوەدەكەن، كە هەموو جۆرە بەكتریایەك زیانبەخش نیین بۆ جەستەی مرۆڤ لە هەمان كاتیشدا بەباشی نازانن مرۆڤ هەوڵی لەناوبردنی هەموو جۆرە بەكتریایەكی زیانبەخشبدات چونكە بەهۆیانەوە سیستمی بەرگریی لەشیان بەهێزتردەبێت و دەتوانن بەرەنگاری نەخۆشییەكان ببنەوە.
