زاگرۆس پۆست
بەرەبەیانی ڕۆژی یەکشەممە ڕێکەوتی ١٤ی سەرماوەزی ساڵی ١٤٠٠ی هەتاوی، دوو هاووڵاتیی کورد بە ناوەکانی “سەعدی منبەری” تەمەن ٢٦ ساڵ و کوڕی “عوسمان” و “سیامەک ئارەنگ” تەمەن ٢٦ ساڵ کوڕی “یەدوڵڵا”، خەڵکی گوندی “نییەر” سەر بە شاری سنە، لەلایەن هێزە ئیتلاعاتییەکانەوە دەستگیر کران.
هێزە ئیتلاعاتییەکان لە کاتی دەستگیرکردنی ئەو هاووڵاتییانە، ماڵەکانیان پشکنیوە و بە بێ بەڵگەی یاسایی ئەو دوو هاووڵاتییە کوردەیان دەستگیر و بۆ شوێنێکی نادیار ڕاگوازتووە.
هەتا کاتی بڵاوبوونەوەی ئەم هەواڵە، لە هۆکاری گرتن و تۆمەتی وەپاڵدراو دژی ئەو دوو هاووڵاتییە زانیارییەک لە دەستدا نییە.
