زاگرۆس پۆست
حکومەتی تورکیە لە 22ی ئاگۆستی 2021دا، هەشت پەناخوازی خەڵکی پاوە کە بەنیازبوون له ڕێگه‌ی ئه‌و وڵاته‌وه بگه‌ن به ئوروپا، دەستگیر و ڕادەستی گروپی تیرۆریستی “ئەلنوسرە” له سووریە ده‌كات.
ناوی ئه‌و هه‌شت كه‌سه بریتیه له : “دەماوەند پاک سرێشت“،“موبین وەلەد بەیگی“،“ئەفشار ڕۆستەمی“،“بەهمەن شادرەوان“،“مەسعود حەیدەری“، “سەعید ئەحمەدی“، “فەردین دەروێش پور“، “هیدایەت روخزادی“. جێی ئاماژه‌یه كه ئەو هەشت پەناخوازەی خه‌ڵكی پاوه کە لەگەڵ 57 پەنابەری دیکەی خه‌ڵكی هەرێمی کوردستان بوون، لەلایەن پۆلیسی تورکیەوە دەستگیر دکرێن و له ڕێگه‌ی شاری “ئه‌عزاز” له باكووری سووریەوه ڕاده‌ستی گرووپی “ئه‌لنۆسره” ده‌كرێن.
دەوترێ، هاوڵاتیانی هەرێمی کوردستان پێش چوونە ناو عەزاز گەڕاونەتەوە هەرێمی کوردستان، بەڵام هیچ زانیارییەک لەبارەی چارەنووسی ئەو هەشت هاوڵاتییە پاوەییه له‌به‌رداستدا نیە.
