پێنج شه‌ممه‌ 2 كانونی یه‌كه‌م 2021
ماڵەوە / سیاسی / سێ هاووڵاتیی کورد بە دانانی بارمتە لە زیندانی نەغەدە ئازاد کران

سێ هاووڵاتیی کورد بە دانانی بارمتە لە زیندانی نەغەدە ئازاد کران

دوێنێ سێشەممە ٢١ی ڕێبەندان، سێ هاووڵاتیی کورد بە ناوەکانی “ڕەحمان ئیبراهیمی”، “تالب ڕەیحانی” و “ڕەشید ڕەیحانی”، خەڵکی گوندی “شاوەلە” سەر بە شاری نەغەدە، بە دانانی بارمتە لە زیندانی ئەو شارە ئازاد کران.

ئەو سێ هاووڵاتییە، پاش کۆتایی لێپرسینەوەکەیان لە یەکێک لە گرتنگە ئەمنییەتییەکانەوە، بۆ زیندانی نەغەدە ڕاگوێزرابوون.

ڕۆژی سێشەممە ٣٠ی بەفرانبار، ڕەحمان ئیبراهیمی لەلایەن هێزە ئەمنییەتییەکانەوە لە پەسوێی پیرانشار دەستگیر کرا.

هێزە ئەمنییەتییەکان لە کاتی دەستگیرکردنی ئەو هاووڵاتییە، ناوبراویان بە توندی دابووە بەر لێدان.

هەروەها  ڕۆژی سێشەممە ٣٠ی بەفرانبار، تالب و ڕەشید ڕەیحانی، لەلایەن هێزە ئەمنییەتییەکانەوە دەستگیر کران.

ئەو سێ هاووڵاتییە، بەبێ بەڵگەی یاسایی لەلایەن هێزە ئەمنییەتییەکانەوە دەستگیر کران بۆ لێپرسینەوە بۆ شوێنێکی نادیار ڕاگوێزرابوون.

هەتا ئێستا لە هۆکاری دەستگیر کردن و تۆمەتەکان لە دژی ئەو سێ هاووڵاتییە زانیارییەکی ورد لە بەردەستدا نییە.

بابەتی هاوپۆل

ئەمیر بایەزیدی‌ ئازەر بۆ جێبەجێکردنی حوکمەکەی ڕەوانەی زیندان کرا

رۆژی شەممە ٢٩ی خەزەڵوەر، هاووڵاتییەکی کورد بە ناوی “ئەمیر بایەزیدی ئازەر” کوڕی “مستەفا” و خەڵکی …