زاگرۆس پۆست
لە درێژەی دەستگیر کردنی ھاووڵاتیانی کورد لە شارەکانی رۆژھەڵاتی کوردستان، دوو ھاووڵاتیی دیکە لە سنە و کامیاران دەستگیر کران.
دوانیوەڕۆی ئەمڕۆ سێشەممە ١٤ی مانگی رێبەندان چالاکێکی ژینگەپارێز بە ناوی رۆیا جەلالی لە شاری سنە دەستگیر و راپێچی شوێنێکی نادیار کرا.
ھەروەھا لە لایەکی دیکەوە ھاووڵاتیەکی دیکە بە ناوی جوانمێر زاھێدی خەڵکی ئاوایی ئەشکەفتان سەر بە شاری کامیاران دەستگیر و تا ئێستاش چارەنووسی نادیارە.
ھەروەھا دوو کەسی دیکە بە ناوەکانی مەیسەم یەزدانپەنا و سەجادیان بە تاوانی چالاکیی ئایینی دەستگیر و بۆ شوێنێکی نادیار گواستراونەتەوە.
