زاگرۆس پۆست
دوێنێ سێشەممە ۷ی ڕێبەندان، “مستەفا ئیلخانیزادە”، بەرپرسی فێرگەی زمانی کوردی “ئەدەب” لە بۆکان، لەلایەن هێزە ئەمنییەتییەکانی رژیمەوە دەستگیر کرا.
هێزە ئەمنییەتییەکان، بە بێ بەڵگەی یاسایی هێرشیان کردووەتە سەر نووسینگەی کار و ماڵی مستەفا ئیلخانیزادە و مۆبایل، کامپیوتێر و هەروەها کەرەستەی کەسیی ناوبراویان لەگەڵ خۆیان بردووە.
لە لایەکی دیکەوە، حەوتووی رابردوو فەرامەرز محەممەدی ھاووڵاتیی کوردی خەڵکی سنە لە شوێنی کارەکەی لە شاری تاران لە لایەن نزیک ٢٠ کەس هێزی ئەمنییەوە دەستگیر کرا کوە و لە پاش دەستگیر کرانی، هێزە ئەمنییەتیەکان هەڵیانکوتایە سەر ماڵەکەی و پاش پشکنینی ناوماڵەکەی، دەستیان بەسەر مۆبایل و لەبتۆپ و کەلوپەلەکانیدا گرت.
فەرامەرز محەمەدی لە پاش دەستگیر کرانی، گوازرایەوە بۆ گرتووخانەی ئیتلاعاتی سپای سنە و تا ئێستاش چارەنووسی نادیارە.
