پێنج شه‌ممه‌ 13 ئایار 2021
ماڵەوە / سیاسی / هاووڵاتییەکی دیکە لە بۆکان دەستگیر کرا

هاووڵاتییەکی دیکە لە بۆکان دەستگیر کرا

رۆژی پێنجشەممە ٢ی ڕێبەندان، هاووڵاتییەک بە ناوی “مەحیەدین شامە”، خەڵکی بۆکان، لەلایەن هێزە ئەمنییەتییەکانەوە دەستگیر کرا و بۆ شوێنێکی نادیار ڕاگوێزرا.

هێزە ئەمنییەتییەکان بە بێ بەڵگەی یاسایی هێرشیان کردووەتە سەر ماڵی مەحیەدین شامە و ناوبراویان دەسبەسەر کردووە.

هێزە ئەمنییەتییەکان سەرەڕای بەدواداچوونەکانی بنەماڵەی ئەو هاووڵاتییە، لە دانی هەر جۆرە وڵامێکی ڕوون سەبارەت بە چارەنووس و شوێنی ڕاگیرانی کوڕەکەیان، خۆ دەبوێرن.

ناڕوونیی چارەنووسی مەحیەدین شامە، نیگەرانیی بنەماڵەکەی لێ کەوتووەتەوە.

هەتا ئێستا، هۆکاری دەستگیر کردن و تۆمەتەکانی سەر ئەو هاووڵاتییە بۆکانییە نادیارە.

شایانی باسە، لەم دواییانەدا لانیکەم ١٥ ھاووڵاتیی کورد لە بۆکان دەستگیر کراون.

بابەتی هاوپۆل

بریندار بوونی لاوێک بە هویی تەقینەوە مین لە سەردەشت

ئەمڕۆ چوارشەممە ۲۲ی گوڵان، لە نزیک ئاوایی توێ سەر بە شاری سەردەشت بە هۆیی تەقینەوە …