زاگرۆس پۆست
بەرەبەیانی ئەمڕۆ چوارشەممە ٢٤ی بەفرانبار، ھاووڵاتیەکی خەڵکی ئاوایی نێ سەر بە شاری مەریوان بە ناوی عادڵ پەروازە دەستگیر و راپێچی شوێنێکی نادیاریان کرد.
ھەروەھا دوو هاووڵاتیی دیکە بە ناوەکانی “ئارام مورادیان و کامیل نووری” خەڵکی گوندی “تەنگیسەر” سەر بە شاری سنە، بانگهێشتی ئیدارەی ئیتلاعاتی ئەو شارە کران و لێپرسینەوەیان لەگەڵ کرا.
ئەو دوو هاووڵاتییە کوردە، دوو ڕۆژ پێش لە ڕێگای تەلەفوونەوە بانگهێشتی ئەو ناوەندە ئەمنییەتییەکانی رژیم کرابوون.
هێزە ئەمنییەتییەکان ئەو دوو کەسەیان خستبووە ژێر گوشارەوە و داوای هاوکاریان لێکردبوون.
ئارام مورادیان و کامیل نووری، هەر کامیان پاش سێ کاتژمیر لێپرسینەوە ئازاد کرابوون.
