زاگرۆس پۆست
ئێوارەی دوێنێ دووشەممە ۱۰ی سەرماوەز ۱۳۹۹ی هێزەکانی کۆماری ئێسلامی ئێران لە سنووری نۆکان سەر بە شاری سەردەشت تەقەیان لە دەستەیەک کۆڵبەر کردووە و لە ئاکامدا کۆڵبەرێک بە ناوی شیروان موساپەنا خەلکی شارۆچکەی نەڵاس بە خەستی بریندار بووە و بۆ چارەسەری پزشیکی ڕەوانەی یەکێک لە ناوەندە تەندروستیەکانی هەرێمی کوردستان کراوە.
لە لایەکی دیکەوە لە سنووری نەنوور سەر بە شاری بانە هێزەکانی کۆماری ئێسڵامی ئێران بۆسەیان بۆ کۆڵبەران داناوە و تەقەیان لێ کردوون کە، کۆڵبەران بۆ ئەوەی نەکەونە بۆسەی ھێزەکانی رژیم ھەڵھاتوون و بەو ھۆیەوە کۆڵبەرێک بە ناوی خدر رەسوولی لە بەرزایی بەربووەتەوە و بە خەستی بریندار بووە.
