زاگرۆس پۆست
رۆژی شەممە ٨ی سەرماوەز، دوو هاووڵاتیی بە ناوەکانی “ئیسماعیل حاجی عەبدوڵڵا” و “هاشم مورادی” خەڵکی گوندی “شیناوێ” سەر بە شاری پیرانشار، پاش تەواوبوونی ماوەی قۆناغی لێپرسینەوەکەیان بە دانانی بارمتە لە گرتووخانە ئازاد کران.
ئێوارەی یەکشەممە ٢٥ی خەزەڵوەر، ئیسماعیل حاجی عەبدوڵڵا لەگەڵ هاووڵاتییەکی دیکە بە ناوی “عەلی جۆڵا” بەبێ بەڵگەی یاسایی لەلایەن هێزە ئەمنییەتییەکانەوە دەستگیر کرابوون.
هەروەها کۆتاییەکانی مانگی خەزەڵوەر، هاشم مواردی پاش بانگهێشتکردنی بۆ ئیدارەی ئیتلاعاتی پیرانشار دەستگیر کرابوو.
هێزە ئەمنییەتییەکان تۆمەتی وەپاڵدراوی دژی ئەو دوو هاووڵاتییە کوردەیان “هاوکاری لەگەڵ یەکێک لە حیزبە کوردستانیەکانی ئۆپوزسیونی رژیمی ئیسلامی ئێران” ڕاگەیاندووە.
