هه‌ینی 18 حوزه‌یران 2021
ماڵەوە / کوردستان / گیانلەدەستدانی ھاووڵاتیەکی سەردەشتی بە ھۆی تەقینەوەی مین

گیانلەدەستدانی ھاووڵاتیەکی سەردەشتی بە ھۆی تەقینەوەی مین

دوێنێ دووشەممە ٢٦ی خەزەڵوەر، ئەحمەد مەمەندی کوڕی حاجی عەزیز خەڵکی گوندی “دەشتێ” شاری سەردەشت بەهۆی تەقینەوەی مین بە سەختی بریندار و دواتر بۆ چارەسەری پزیشکی ڕەوانەی ناوەندیی دەرمانی سەردەشت کرابوو و پاشان بەهۆی قورسیی برینەکانییەوە ڕەوانەی نەخۆشخانەی ورمێ کرابوو، بەڵام ئەمڕۆ سێشەممە ٢٧ی خەزەڵوەر، ناوبراو بەهۆی قورسیی برینەکانییەوە، گیانی لەدەست دا.

ئەو هاووڵاتییە کوردە بەهۆی تەقینەوەی مین سەرەتا هەر دوو لاقی قرتابوو لە ئەنجامدا بەهۆی خوێنڕێژیی زۆرەوە، گیانی لەدەست دا.

دەوترێ ناوبرەو لە کاتی لەوەڕاندنی مەڕ و ماڵات لە نزیک کۆنە پایگایەک لە گوندی “پارستان” سەر بە بەخشی “وەزێنە” لە شاری سەردەشت، تووشی ئەو ڕووداوه بووە”.

بابەتی هاوپۆل

ھێزەکانی ئیتلاعاتی ئیران، ھاووڵاتییەکی خەڵکی پاوەیان دەسبەسەر کرد

ھێزەکانی ئیتلاعاتی ئیران، ھاووڵاتییەکی خەڵکی پاوەیان دەسبەسەر کرد بە پێی ھەواڵەکان ئیمرۆ پێنج شەممە ٢٧ی جۆزەردان، …