زاگرۆس پۆست
لەم رۆژانەی دواییدا، لاوێک بە ناوی “محەممەد قادری‌ئازەر” تەمەن ٢٣ ساڵ کوڕی خدر و خەڵکی گوندی “گەزگەسک” سەر بەشاری پیرانشار، لەلایەن هێزە ئەمنییەتییەکانی رژیمی ئیسلامی ئێرانەوە دەستگیر و بۆ شوێنێکی نادیار گواستراوەتەوە.
هێزە ئەمنییەتییەکان بەبێ بەڵگەی یاسایی ئەو هاووڵاتییەیان دەستگیر کردووە.
سەرەڕای بەدواداچوونی بنەماڵەی محەممەد قادری ئازەر، بۆ ئاگاداربوون لە چارەنووس و شوێنی ڕاگیرانی کوڕەکەیان، لەلایەن هێزە ئەمنییەتییەکان هیچ وڵامێکی ڕوونیان وەرنەگرتووە.
هەتا کاتی بڵاوبوونەوەی ئەم هەواڵە، لە هۆکاری دەستگیر کردن و ئەو تۆمەتانەی دراوەتە پاڵی، هیچ زانیارییەک لەبەردەستدا نییە.
