زاگرۆس پۆست
سەر لە بەیانی ئەمڕۆ چوارشەمە لە سنووری قەلەڕەشێ لە شوێنێک بەناوی باژاڕ هێزەکانی کۆماری ئێسلامی ئێران تەقەیان لە دەستەیەک کۆڵبەر و کاروانچی کردوە لە ئاکام دا سێ کاروانچی بە ناوەکانی زانست حەسەن زادە تەمەن ۲٥ ساڵان خاوەن منالێکی تەمەن ٦ساڵان خەڵکی ئاوایی قەلەڕەشێ، زانکۆ ئەحمەدی تەمەن ۲۲ ساڵان خەڵکی ئاوایی خانەخەڵ، سروش ملکاری خەڵکی ئاوایی سورەچۆم سەر بە شاری سەردەشت بە تەقەی ڕاستەوخۆیی هێزەکانی کۆماری ئێسلامی ئێران گیانیانه بەختکردوە.
هاوکات لە سنووری پیرانشار هێزەکانی سپای پاسدارانی ڕژێم تەقەیان لە دەستەیەک کۆڵبەر کردوە لە ئاکام دا کۆڵبەرێک بە ناوی جەلال خزری خەڵکی ئاوایی زێوە بە تەقەی ڕاستەوخۆیی هیزەکانی کۆماری ئێسلامی ئێران گیانی لە دەست داوە.
