زاگرۆس پۆست
لاوێکی خەڵکی سەردەشت کە بە تازەیی لە ئیسلامەوە ببووەتە پێڕەوی دینی مەسیحی، لەلایەن هێزە ئەمنییەکانەوە دەستگیر کراوە و چارەنووسی نادیارە.
چەند رۆژ پێش ئێستا هێزەکانی ئیتلاعاتی سپای سەردەشت پێڕەوێکی دینی مەسیحییان بە ناوی ”شێرکۆ سیاوەشی“ تەمەن ٣٧ ساڵ دەستگیر و بۆ شوێنێکی نادیاریان گواستووەتەوە.
دەوترێ، هێزە ئەمنییەکان لەکاتی دەستگیر کردنی شێرکۆ سیاوەشی ناوبراویان داوەتە بەر لێدان و کوتان و مالەکەیان پێشکنیوە و دەستیان بە سەر کۆمپیۆتەر و هارد دیسکەکانیدا گرتووە.
شایانی باسە، سەرەڕای تێپەڕینی چەند ڕۆژ لە دەستگیرکردنی ئەو نەودینە مەسیحیە، هیچ زانیارییەک لە سەر چارەنووسی ناوبراو لە بەردەست دا نییە.
