زاگرۆس پۆست
ھێزەکانی رژیمی ئیسلامی ئێران لە سنوورەکانی مەریوان تەقەیان لە کۆڵبەرێکی لاو کردووە و بە سەختی برینداریان کردووە.
ئێوارەی ئەمڕۆ دووشەممە ٢٠ی گەلاوێژی، هێزەکانی رژیمی ئێران لە سنووری ”مەڕانە“ سەر بە شاری مەریوان تەقەیان لە کۆڵبەرێکی تەمەن ١٧ ساڵ بە ناوی ”ئارمین ئەحمەدی“ کردووە و سینگی بە سەختی بریندار بووە.
دەوترێ هێزەکانی رژیم دوای ئەوەی ئەو کۆڵبەرەیان بریندار کردووە، لەو شوێنە بەجێیان هێشتووە کە دواتر خەڵکی ناوچەکە بینیویانەتەوە و گەیاندوویانە بە ناوەندە دەرمانییەکانی مەریوان و خوێنێکی زۆر لە بەر جەستەی رۆیشتووە و باری تەندورستی زۆر نالەبارە.
