زاگرۆس پۆست
لاوێکی خەڵکی ئاوایی نێ سەر بە شاری مەریوان لە لایەن ھێزەکانی رژیمەوە دەستگیر کرا.
دوێنێ چوارشەممە ١١ی پووشپەڕ، ژمارەیەک لە لاوانی شاری مەریوان بەنیاز بوون رێوڕەسمێکی رێز گرتن لە ٣ ژینگەپارێزە گیانبەختکردووەکەی شاری پاوە بەڕێوە ببەن، بەڵام چەند کاتژمێر پێش لە دەستپێکی رێوڕەسمەکە ھێزەکانی رژیم ھێرش دەکەنە سەر شوێنەکە.
ھێزەکانی رژیم وێڕای تێکدانی رێوڕەسمەکە و میلیتاریزە کردنی ناوچەکە، لاوێکی تەمەن ٢١ ساڵ بە ناوی کاوان کەسرایی کوڕی ئەبووبەکر خەڵکی ئاوایی نێ سەر بە شاری مەریوان دەستگیر و راپێچی شوێنێکی نادیاری دەکەن.
