زاگرۆس پۆست
لە ماوەی رۆژانی رابردوو ھێزەکانی رژیمی ئێسلامی ئێران، جێگیرکراو لە پاسگای ساری ئۆجاق یان شێخ عەسگەر لە ناوچە سنووریەکانی شاری ماکۆ تەقەی ڕاستەوخۆیان لە دەستەیەک کاسبکار کردووە کە، لە ئاکامدا کاسبکارێک بە ناوی فەرهاد کچڵانلوو خەلکی ئاوایی ساری ئۆجاق( شێخ عەسگەر) فیشەک بەر سینگی دەکەوێت و بریندار دەبێت.
بەوتەی خەلکی ئاوایەکە هێزەکانی کۆمار ئێسلامی دوایی ئەوەی تەقەیان لێ کردووە کەلوپەلەکەی و هەروها ئەسپی کاسبکارەکەیان لەگەڵ خۆیان بردووە و ڕێگرییان کردووە لە خەڵک کە فەرهاد بگوازنەوە بۆ نەخۆشخانە.
بداخەوە دوای یەک کاتژمێر و نیو بە هۆیی سەختی برینەکەیەوە گیانی لە دەست داوە.
شایانی باسە فەرهاد دەستگیران دار بوە بریار وابوە دە ڕۆژ دواتر ژیانی هاوبەشی پێک بێنن.
