زاگرۆس پۆست
ھێزە چەکدارەکانی رژیمی ئێران ئەمڕۆ ژمارەیەک کۆڵبەری دیکەیان دایە بەر دەستڕێژی گوللە و لە ئاکامدا ٤ کۆڵبەر کوڕران و بریندار بوون.
ھێزەکانی رژیم ژمارەیەک کۆڵبەریان لە سنووری سەردەشت دایە بەر دەستڕێژی گوللە و لە ئاکامدا کۆڵبەرێک بە ناوی عومەر مۆسلێحی خەڵکی ئاوایی بیلوکە گیانی لەدەستدا و چەند کۆڵبەری دیکەش بریندار بون کە ناوی یەکێکیان عەبدولڕەحمان شایقی خەڵکی ئاوایی میراوا بوو.
ھەروەھا ئەمڕۆ لە دوو ھێرشی دیکەی ھێزەکانی رژیم بۆ سەر کۆڵبەران و کاسبکارانی کورد، کۆڵبەرێکی بەساڵاچووی خەڵکی شاری سەقز بە ناوی محەمەد رۆستەمی و کۆڵبەرێک خەڵکی ناوچەی ھەورامان بە ناوی ھێمن مزەفەری بە توندی بریندار بوون.
