زاگرۆس پۆست
دوو کەسی دیکەی خەڵکی بانە بە ناوی پەیام مۆخلێس (رامین) و عەبدولواحد فەیزی خەڵکی شاری بانە، لە زیندانی ناوەندیی شاری سنە لە سێدارە دران.
بەرەبەیانی ئەمڕۆ ھەینی ٥ی مانگی گوڵان، وێڕای ھەوڵ و ماندووبوونی چالاکانی مەدەنی بۆ وەرگرتنی رەزامەندیی بنەماڵەی کەسە کوژراوەکان و پێشگرتن لە ئێعدامی پەیام مۆخلێس و عەبدولواحد فەیزی، بەڵام ئەو دوو ھاوڵاتیە لە لایەن دام و دەزگا پەیوەندیدارەکانی رژیمەوە لە سێدارە دران.
جێگای ئاماژەیە، لە ماوەی دوو حەوتووی رابردوودا حوکمی ئێعدامی لانیکەم شەش ھاوڵاتی کورد لە لایەن رژیمی ئێرانەوە جێبەجێ کراوە و سێ ھاوڵاتیش پاش وەرگرتنی رەزامەندیی بنەماڵەی کەسە کوژراوەکان، لە زیندان ئازاد کراون.
