پێنج شه‌ممه‌ 16 ئه‌یلول 2021
ماڵەوە / سیاسی / دلێر خەسرەوی بۆ شوێنێکی نادیار گواسترایەوە

دلێر خەسرەوی بۆ شوێنێکی نادیار گواسترایەوە

دلێر خەسرەوی چالاکی ژینگەپارێز، پاش لێپرسینەوە لە لایەن ئیدارەی ئیتلاعاتی شاری سنە، لە زیندانی ناوەندیی ئەم شارە بۆ شوێنێکی نادیار گواسترایەوە.

رۆژی سێشەممە ٢٦ی خەرمانان، وێڕای دانانی بارمتەی ٢٠٠ میلیۆن تمەنی بۆ ئەم چالاکی ژینگەپارێزە، ناوبراو ئازاد نەکراوە و کاربەدەستانی زیندان بە بنەماڵەکەیان راگەیاندووە کە، ئەم زیندانیە سیاسیە بۆ گرتووخانەیەکی ئەمنیەتی شاری سنە گواستراوەتەوە.

بنەماڵەی خەسرەوی لە رۆژی شەممەوە پاش راگواستنی رۆڵەکەیان، ھیچ زانیارییەکیان لە سەر بارودۆخی ناوبراو لە بەردەستدا نیە.

دلێر خەسرەوی ئەندامی جەمعیەتی سەوزی کوردستانە کە، رەشەممەی ساڵی رابردوو لە ماڵەکەی خۆی لە لایەن ھێزە ئەمنیەتیەکانەوە دەستگیر کرا.

ناوبراو جارێکی دیکەش ساڵی ١٣٨٥ بە تۆمەتی ھاوکاریی لەگەڵ حزبێکی کوردی دەستگیر و پاش چەند مانگ زیندان ئازاد کرا.

بابەتی هاوپۆل

خاڵۆ میرزا، باوکی دوو گیانبەختکردووی کۆمەڵە، ماڵئاوایی لە ژیان کرد

خاڵۆ میرزا، باوکی دوو گیانبەختکردووی کۆمەڵە، ماڵئاوایی لە ژیان کرد ئیمرۆ چوارشەممە ٢٤ی خەرمانانی ساڵی …