زاگرۆس پۆست
زیندانی سیاسی کورد مستەفا سەلیمی ٥٣ ساڵ تەمەن و خەڵکی ئاوایی ئێلوو سەقز، ماوەیەک لەوەپێش لە کاتی راپەڕینی زیندانیان لە زیندانی ناوەندیی سەقز توانیبووی پاش ١٧ ساڵ زیندان ھەڵبێت و لە سنووری پێنجوێن خۆی بگەیەنێت بە ھەرێمی کوردستان، بەڵام ٣ رۆژ لەوەپێش لە لایەن ئاسایشی ھەرێمەوە لە سنووری بانە رادەستی رژیمی ئێران کرایەوە.
ئەمڕۆ ھێزەکانی ئیدارەی ئیتلاعاتی رژیم بە بنەماڵەی مستەفا سەلیمی رایانگەیاندووە، بۆ دوایین چاوپێکەوتن لەگەڵ ناوبراو خۆیان ئامادە بکەن، چوونکە بەم زووانە لە سێدارە دەدرێت.
مستەفا سەلیمی زیندانی سیاسی کورد، ١٧ ساڵ لەوەپێش بە تاوانی تێکھەڵچوون لەگەڵ ھێزەکانی رژیم و ئەندامیەت لە حزبێکی سیاسی کوردستانی، بە ئێعدام مەحکوم کرا.
