زاگرۆس پۆست
ھێزەکانی رژیم لە بانە کۆڵبەرێکی دیکەیان دایە بەر دەستڕێژی گوللە و کوشتیان.
دوێنێ سێشەممە ٢٧ی مانگی رەشەممە، ھێزەکانی رژیم لە ناوچە سنووریەکانی ھەنگەژاڵەی بانە، تەقەیان لە ژمارەیەک لە کۆڵبەران کرد و لە ئاکامدا کۆڵبەرێکیان کردە ئامانج و دەستبەجێ کوشتیان.
ناوی ئەو کۆڵبەرە سیروان شەریفی کوڕی خالد و خەڵکی ئاوایی قولی ئاوا بوو.
ھێزە چەکدارەکانی کۆماری دژە کوردی ئیسلامی، بە بەردەوامی و رۆژانە بە بیانووی قاچاخی کەلوپەل، ھێرش دەکەنە سەر کوڵبەران و کاسبکاران لە سنوورەکانی کوردستان و دەیانکەنە قوربانی سیاسەتە دژە مرۆییەکانی خۆیان.
