زاگرۆس پۆست
رژیمی کۆماری ئیسلامی ئێران هەموو مەلاکانی پارێزگاکانی (کرماشان، سنە و ورمێ) لە شاری سنە کۆ کردووەتەوە بۆ ئەوەی کە بەڵێنیان لێ بستێنێت، لەو دەرفەتەی کە پێیان دراوە و مینبەری مزگەوتەکان لە بەردەستیاندایە، بۆ هەڵبژاردنەکانی سەرۆک کۆماری کەڵکی لێ وەربگرن.
رژیم لە رێگای مەلاکان و دەستوپەیوەندە ئایینیەکانی خۆیەوە لە ھەوڵی راکێشانی خەڵک بۆ پای سندووقەکانی دەنگدانە تا لەم رێگایەوە بە کۆمەڵگای نێودەوڵەتی بڵێ من خەڵکم لەگەڵدایە.
ئەمەش لەحاڵێکدایە کە ھەمو ھێزە سیاسیەکان و چالاکانی بوارە جۆراوجۆرە کۆمەڵایەتیەکان لە کوردستان، ھەڵبژاردنەکانی رژیمی ئێران بە گاڵتەجاڕ ناو دەبەن و بایکۆتی دەکەن.
