زاگرۆس پۆست
دکتۆر #جەلال#حاجی_زادە کە دوێنێ بە هۆی جەڵتەی دڵ گیانی لە دەست دا، چەند رۆژ پێش وتارێکی لەسەر کوژرانی قاسم سولەیمانی نوسیبوو و نێوەرۆکی وتارەکە بەم شێوەیە بوو:
” قاسم، درێژە پێدەری عەقڵی ئێرانی بوو کە لە داریووش بەم لاوە خۆی لە توسعەتەڵەبی نیزامی دەبینییەوە و قوربانی سەرەکی ئەو سیاسەتەش ئێرانی و کوردەکان بوون کە بە مردنی قاسم سولەیمانی ئەو سیاسەتش کۆتایی پێ دێ”.
شایانى باسە دوێنێ دووشەممە ٢٣ی بەفرانبار، دکتۆر جەلال حاجی زادە ناسراو بە #ڕامان، توێژەر، نووسەر و چالاکی مەدەنی و خاوەنی بڕوانامەی دکتۆرای زانستە سیاسیەکان و خەڵکی شاری #سەردەشت پاش چەند رۆژ لە ئازادبوونی لە گرتووخانەی ئیدارەی ئیتلاعات بە شێوەیەکی گوماناوی گیانی لەدەستدا.
یەکێک لە حزمەکانی بە ھەواڵنێرییەکانی راگەیاندووە کە: ئیتلاعاتی سەردەشت دەرزی لێدابوو و دوای چەند ڕۆژ بەهۆی ئەو دەرزیە تووشی جەڵتەی دڵ بووە و گیانی لە دەست داوە و پێشتر و لە دەیەی ھەشتای ھەتاویی نووسەرێکی دیکەی سەردەشتی بە ناوی #کامران_سالمی بە ھۆی لێدانی دەرزی لە لایەن رژیمەوە گیانی لەدەست دابوو.
دکتۆر حاجی زادە چەندین لێکۆڵینەوەی زانستی و ئاکادێمیکی لەسەر پرسە کوردیەکان و مەعریفەی کوردی کردووە و بە بەردەوامی وتارەکانی لە گۆڤار و رۆژنامەکانی ڕۆژهەڵاتی کوردستان چاپ و بڵاو بووەتەوە.
