زاگرۆس پۆست
ھێزەکانی رژیم لە سنووری سەردەشت ژمارەیەک کۆڵبەریان دایە بەر دەستڕێژی گوللە و لە ئاکامدا کۆڵبەرێک گیانی لە دەستدا.
ئێوارەی دوێنێ ھەینی ٦ی بەفرانبار، ھێزەکانی رژیمی ئیسلامی ئێران ژمارەیەک کۆڵبەریان لە سنووری سەردەشت دایە بەر دەستڕێژی گوللە و لە ئاکامدا کۆڵبەرێکی ٢٨ ساڵ تەمەن بە ناوی #محەمەد_رەشیدزادە خەڵکی ئاوایی #قەلەڕەش گیانی لەدەستدا.
ئەمە لە حاڵێکدایە کە ھەر دوێنێ، کەڵبەرێکی دیکە بە ناوی #خدر_بینەوا کوڕی محەمەد و خەڵک ئاوایی #کوربناو لە شاری #سەردەشت لە کاتی کۆڵبەریی کردندا درایە بەر دەستڕێژی گوللە و سەری بریندار بووە و ھەروەھا لە ھەمان رۆژدا کاسبکارێکی دیکەی خەڵکی شاری #دیواندەرە بە ناوی #سەعدی_سەفایی لە شاری #ئەندیمشک بە تەقەی ھێزەکانی رژیم گیانی لە دەستدا.
