زاگرۆس پۆست
لە درێژەی رەوتی رەشبگیریی خەڵکی کوردستان و بەتایبەت چالاکانی بوارە جیاوازەکان، عەباس ( ئاکۆ) جەلیلیان نووسەر و لێکۆڵەری کورد، شەوی رابردوو لە لایەن ھێزەکانی ئیدارەی ئیتلاعات لە ماڵەکەی خۆی لە دەوروبەری شاری کرماشان، دەستگیر و رەوانەی شوێنێکی نادیار کرا.
ھێزەکانی ئیتلاعات وێڕای دەستگیر کردنی ئەم نووسەرە ناسراوەی کوردستان، دەستیان بە سەر کەلوپەلە شەخسیەکانیشی لەوانە لەپ تاپ، کتێبەکان، مۆبایل، ھارد و … گرتووە و تاڵانیان کردووە.
جێگای ئاماژەیە، جگە لە نووسینی فەرھەنگی وشەی باشوور، زەڕینە و سیمینە کە پێکھاتووە لە پێنج بەش، تاریکخانە، کۆمەڵە چیرۆکی رەنگامە و چیرۆکی ئاگری ملقچ و ھەروەھا فەرھەنگنامەیەکی زمانی کوردی کە تا ئێستا شەش پیتی سەرەتایی لە ھەشت کتێب دا چاپ و بڵاو کراوەتەوە، لە بەرھەمەکانی ئاکۆ جەلیلیانە.
