زاگرۆس پۆست
رۆژی رابردوو سێ شەممە ٥ ی مانگی سەرماوەز کاسبکارێکی خەڵکی شاری سەقز بە ناوی ناسر ئازەرپور لە لایەن ھێزەکانی رژیمەوە لە سنووری سێفی سەقز دراوەتە بەر دەستڕێژی گوللە و کوژراوە.
ناوبراو ژن و دوو منداڵیشی ھەیە و تەرمەکەی لە گۆڕستانی ساحێو نێژراوە.
ھاوکات و لە شاری سەردەشت، چەند کۆڵبەرێکی دیکە لە ناوچە سنوورییەکانی ئەم شارە لە لایەن ھێزەکانی رژیمەوە تەقەیان لێ دەکرێت و یەکێکیان بە ناوی حەسەن ساڵەحپور پای بریندار دەبێت و رەوانەی نەخۆشخانە دەکرێت.
ھەر لەم رۆژەدا و لە شاری پیرانشار، ھێزەکانی رژیم تەقەیان لە ژمارەیەک کۆڵبەر کردووە کە کۆڵبەرێک بە ناوی تاھێر رەشیدزادە بە توندی بریندار بووە و رەوانەی نەخۆشخانەی ورمێ کراوە. 
