زاگرۆس پۆست
لە ماوەی چەند ڕۆژی ڕابردوودا زیندانیەکی سیاسی کورد بە ناوی تاهیر خورشیدی خەڵکی شاری شنۆ کە لە زیندانی ناوەندی کرمان دەستگیر کرابوو، پاش وەرگرتنی مەرەخەسی نەگەڕایەوە بۆ زیندان و بە ناچار رۆژھەڵاتی کوردستانی بەجێھێشت.
تاهیر خورشیدی ڕایگەیاندووە بەرپرسانی زیندانی ناوەندیی کرمان بە بیانووی جۆراوجۆر زیندانیانی سیاسیان ئازار و ئەشکەنجە دەدەن.
ناوبراو وێرای دوو زیندانی سیاسی دیکەی کورد بە ناوەکانی فاروق شاروێرانی و ئەمیر پەیغامی بە دژی هەڵسوکەتی خراپی کاربەدەستانی زیندان لەگەڵیان مانگرتنیان لە خواردن کردبوو.
ئەو بەندکراوە کوردانە سەرجەم بە ١٥ ساڵ زیندان سزا درابوون. تاهیر خورشیدی بە تەنیا ٧ ساڵ زیندانی تەعزیری بەسەردا سەپابوو.
تاوانی ئەو سێ بەندکراوە پێوەندی لەگەڵ حزبە کوردستانیەکان راگەیەندراوە.
