پێنج شه‌ممه‌ 2 كانونی یه‌كه‌م 2021
ماڵەوە / کوردستان / چوار چالاکی ئەدەبی لە بۆکان دەستگیر کران

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی ئیتلاعاتی شاری ورمێی کردن.

ڕۆژی سێشەممە، ٢٣ی ڕەزبەر، چوار چالاکی ئەدەبیی کوردی خەڵکی بۆکان بە ناوەکانی “ژاکا ئیسماعیلپور، سمکۆ مەعروفی، هومەن فەیزی و شاهۆ خزری”، لە لایەن هێزەکانی ئیتلاعاتەوە، دەستگیرکران.

بە پێی زانیارییەکان ئەم چوار چالاکە کوردە، دوای کۆبوونەوە ناڕەزایەتییەکان بۆ پشتیوانی لە کوردستانی ڕۆژئاوا، لە لایەن هێزە ئیتلاعاتییەکانی بۆکانەوە دەسبەسەر و دواتر بۆ لێپرسینەوە ڕەوانەی گرتنگەی ئیدارەی ئیتلاعاتی ورمێ کراون.

لە ماوەی رابردوودا و پاش چەندین خۆپیشاندان لە شارەکانی رۆژهەڵاتی کوردستان بۆ پشتیوانی لە رۆژئاوای کوردستان دەیان کەس لەلایەن هێزەکانی ئیتلاعاتی رژیم دەستگیرکراون کە تا ئێستا چارەنوسی ژمارەیەکیان نادیارە.

 

بابەتی هاوپۆل

ئەمیر بایەزیدی‌ ئازەر بۆ جێبەجێکردنی حوکمەکەی ڕەوانەی زیندان کرا

رۆژی شەممە ٢٩ی خەزەڵوەر، هاووڵاتییەکی کورد بە ناوی “ئەمیر بایەزیدی ئازەر” کوڕی “مستەفا” و خەڵکی …