زاگرۆس پۆست
نۆ هاوڵاتی لە کاتی کوژاندنەوەی ئاگری لەوەڕگەکانی “مەشجەر” لە نزیک شاری پاوە، لە پارێزگای کرماشان بریندار بوون.
بەپێی هەواڵی گەیشتوو بە ئاژانسی هەواڵدەری زاگرۆس پۆست: ڕۆژی دووشەممە، ٢١ی گەلاوێژ، دەیان هێکتار لە لەوەڕگەکانی “مەشجەر”، لە داوێنی شاخی شاهۆ، لە نزیک شاری پاوە، تووشی ئاگرکەوتنەوە بوون، و ٩ کەس لە هاوڵاتیان لە شاری پاوە و شارەکانی دەوروبەری، لە کاتی کوژاندنەوەی ئاگرەکەدا بریندار بوون کە دواتر بۆ چارەسەری پزیشکی ڕەوانەی نەخۆشخانەی شاری پاوە کراون.
ئەنجومەنی ژینگە پارێزی “ژیوای پاوە”، باسی لەوە کرد کە نابەرپرسایەتی و ناکارامەیی بەرپرسانی ڕژیم خەسارێکی ئێجگار زۆری بە ژینگەی زاگرۆس گەیاندووە و ئەم ڕەوتە بەردەوام درێژەی هەیە.
