زاگرۆس پۆست
هێزەکانی ئیتلاعاتی ڕژیم لە شاری مەهاباد، دوو هاوڵاتی خەڵکی ئەو شارەیان بە هۆکاری نادیار دەستبەسەر کرد.
بەپێی هەواڵی گەیشتوو بەئاژانسی هەواڵدەری زاگرۆس پۆست؛ ڕۆژی شەممە، ١٥ی پووشپەڕ، دوو هاوڵاتی کورد خەڵکی شاری مەهاباد بە ناوەکانی “شێرکۆ عەباس تاهیر” و “هوشیار ئەمینی”، لە لایەن هێزەکانی ئیتلاعاتی ڕژیمەوە دەستبەسەر کران و بۆ شوێنێکی نادیار گوازراونەتەوە و تا ئێستا هیچ هەواڵێک لە مەڕ چارەنووسیان لە بەردەستدا نیە.
بە وتەی سەرچاوەیەکی ئاگادار، هێزە ئیتلاعاتیەکان پاش دەستبەسەرکردنی ئەو دوو هاوڵاتیە کوردە، دەستیان بە پشکنینی ماڵی ناوبراوان کردووە.
