زاگرۆس پۆست
بە هۆی بومەلەرزەكەی بەرەبەیانی رۆژی دووشەممە لە پارێزگای خوزستان ٦٤كەس و برینداربوون و یەک کەسیش گیانی لە دەستدا.
زاگرۆس پۆست؛ ڕۆژی دووشەممە ١٧ی پووشپەڕ بومەلەرزەیەکی بەهێز پارێزگای خوزستانی ئێرانی هەژاند و زیانێکی زۆری بە ناوچەکە گەیاند. هەروەها لە چەند ناوچەیەكی عێراق و كوەیتیش هەستی پێكرا.
بەگوێرەی میدیاكانی ئێران بە هۆی ئەو بومەلەرزەیە نەخۆشخانەی مەسجد سلێمان زیانی بەركەوتووە و بەهۆیەوە چۆڵكراوە و دەیان بینای نیشتەجێبوون و بازرگانی و تۆڕەكانی گواستنەوەی ئاو و كارەبا و ئۆتۆمبێلی هاوڵاتیان زیانیان بەركەوتووە.
لەدوای ئەو بومەلەرزەیەوە ١٣ پاشكۆی بومەلەرزە كە گوڕی هەندێكیان لە سەرووی ٤ پلە بە پێوەری ڕیشتەر بووە، شاری مەسجد سلێمانیان هەژاندووە.
