ماڵەوە / کوردستان / بریندار بوونی کۆڵبەرێکی کورد لە سنووری شاری بانە

بریندار بوونی کۆڵبەرێکی کورد لە سنووری شاری بانە

ڕۆژی چوارشەممە ۱۲ بەفرانبار بە هۆی تەقەی راستەوخۆی هێزە‌چەکدارەکانی ڕژیم لە کاروانێکی کۆڵبەران لە بەرزایەکانی سەر سنووری شاری بانە کۆڵبەرێک خەڵکی بانە بە قورسی بریندار بوو.

بەپێی هەواڵی گەیشتوو بە ماڵپەڕی هەواڵی زاگرۆس پۆست؛ ڕۆژی چوارشەممە ١٢ی بەفرانبار، کۆڵبەرێکی کورد بە ناوی “سابیر مۆحسێنی تەمەن ٢١ ساڵ” بە هۆی تەقەی ڕاستەوخۆی هێزە نیزامییەکانی ڕژیمی ئێران لە سنووری شاری بانە بریندار بوو.

ئەو کۆڵبەرە کوردە لەگەڵ کاروانێک لە کۆڵبەران دەکەونە بۆسە و بەر دەسترێژی گوللەی هێزه چەکدارەکانی ڕژیمی ئێران،و لە ئاکامدا بریندار دەبێت کە بۆ چارە سەری پزیشکی دەگوازرێتەوە بۆ ناوەندی دەرمانی شاری بانە.

جێگای ئاماژەیە کە هەر لەو ڕۆژەدا، کۆڵبەرێکی دیکەی کورد بە ناوی “ئامانج شوکری” خەڵکی نەوسوود لە پارێزگای کرماشان بە هۆی تەقەی هێزە نیزامییەکانی ڕژیم لە سنووری ئەو شارە بریندار کرا.

بابەتی هاوپۆل

بریندار بوونی کۆڵبەرێک بەتەقەی هێزەکانی تورکیه لە چاڵدوران

شەوی چوارشەممە۲۲ی گوڵان۱٤۰۰، هێزەکانی سپای تورکیە لە سنووری چاڵدوران نزیک بە گوندی وەکیل تەقەیان لە …