زاگرۆس پۆست
ڕۆژی یه‌كشه‌ممه ٩ی به‌فرانبار، لە زیندانی ناوەندی ورمێ، چوار به‌ندكراوی مه‌حكووم به ئیعدام، به مه‌به‌ستی جێبەجێ کردنی حوكمه‌كه‌یان، گواسترانه‌وه بۆ ژووری تاكه كه‌سی ئەو زیندانە.
به پێی هەواڵی گەیشتوو بە ماڵپەڕی هەواڵی زاگرۆس پۆست؛ چوار بەندکراوی مه‌حكووم به ئێعدام، کە ناوی سێ کەسیان بە زاگرۆس پۆست گەیشتووە، به ناوه‌كانی “پژمان پیری، چه‌نگیز ئێرانی و ته‌وحید”كه به تۆمه‌تی پەیوه‌ندی به مادەی هۆشبەر و كوشتنی بە ئەنقەست، لە لایەن داداگای ڕژیمەوە به ئێعدام مه‌حكووم كرابوون، ڕۆژی یه‌كشه‌ممه به مه‌به‌ستی جێبەجێ کردنی حوكمه‌كه‌یان گواسترانه‌تەوه بۆ ژووری تاكه‌كه‌سی زیندانی ورمێ.
جێگای ئاماژەیە،لەکاتێکدا،ڕێژەی ئیعدامەکان لەئێڕان ڕۆژبەڕۆژ بەرزتر دەبێتەوە،چەند ڕیکخراوەی مافی مرۆڤی ناوخۆیی ونێونەتەوەیی،لەئیعدامی بەربڵاوی شارۆمەندان لە ئێران بەتایبەت ئیعدامی لاوان و مێرمنداڵان،ڕەخنە ونیگەرانی خۆیان دەربڕیوە.بەڵام ڕژیمی ئێران بەردەوامە لە گەڵ کردەوە پیسەکانی خۆی.
