زاگرۆس پۆست
کرێکارانی پرۆژەی ئوتوبانی سەقز ـــ بۆکان، سه‌رله‌نوێی لە بەرامبەر به نەدانی حه‌قده‌سته دواخراوه‌كانیان لە لایەن خاوەنکارەوە، كۆبوونه‌وەی ناڕەزایەتیان بەڕێوە برد.
به پێی هەواڵی گەیشتوو بە ماڵپەڕی زاگرۆس پۆست؛ ڕۆژی یەک شەممە ٢٠ی خەزەڵوەر، بۆ جاری دووهەم لە ماوەی ٣٥ ڕۆژدا، کرێکارانی جادەی ئوتوبانی “سەقز_ بۆکان” ئەو پرۆژەیەیان داخستووە و تەنیا لەو ماوەیەدا، خاوەنکار دوو جار پارەی وەکوو “موساعدە”بە کرێکارەکان داوە. جێگای ئاماژەیە، کرێکارانی پرۆژەی ئوتوبانی سەقز ـــ بۆکان ، ماوەی ٨ مانگە حه‌قده‌سته‌كانیان پێی نەدراوە.
