زاگرۆس پۆست
دو شارومەند خەڵکی شنۆ بە تۆمەتی هاوکاری لەگەڵ یەکێك لە حیزبە کوردیەکان لە لایەن هێزەکانی ئیتلاعات دەستگیر کران .
هێزەکانی ئیتلاعاتی شاری شنۆ رۆژی پێنج شەممە ١٢ی رەزبەر لە “دەشتی بێل “کەسێك بە ناوی “رزگار مەعرووف “کوری ئەحمەد یان دەستبەسەر و بۆ شوێنێکی نادیار ڕاگواستنەوە بێ ئەوەی کە بەڵگەی قزایی یان لە گەڵ بێت .
ناوبرا ٢٦ سالە خوێندکاری زانستگای ڕستەی بیناسازی ورمێ یە و جارێکی تریش لە ساڵی ٩٤ دوای بڵاوکردنەوەی گۆڤاری خوێندکاری دەستبەسەر و دوای لێپرسینەوە ئازاد کرا .
هاوکات هەر لەم رۆژە هێزەکانی ئیتلاعات کەسێک تریان بە ناوی “عوسمان زیرە ” لە گەرەکی “تاج دینی ” شنۆ دەستبەسەر و دوای پشکنینی ماڵی ناوبرا ، بە تۆمەتی هاوکاری یەکێک لە حیزبە کوردیەکان رەوانەی شوێنێکی نادیار کرا .
