زاگرۆس پۆست
دوو هاوڵاتی کە باوک و کوڕ بوون و دانیشتووی ئاوایی ئیسیەر، سەر بە شاری سنە، لە بەنداوی قشڵاقی سنە، بە شێوەی گوماناوی خنکاون.
بە پێی هەواڵی گەیشتوو بە ماڵپەڕی زاگرۆس پۆست؛ڕۆژی سێ شەممە، ١٣ی خەرمانان، دوو هاوڵاتی بە ناوەکانی “سدیق نەجەفی و سامان نەجەفی”، خەڵکی گوندی ئیسیەر سەر بە شاری سنە، کە باوک و کوڕ بوونە لە نێو بەنداوی قشڵاقی شاری سنە بە شێوەیەکی گوماناوی گیانیان لە دەستداوە.
ئەو دووهاوڵاتیە ماسیگیر بوون و ساڵانێکی زۆرە لەو بەنداوە خەریکی ماسیگیرین،هەر بۆیە دوور لە ڕاستییە، ئەگەری ئەوە بێت هۆکاری خنکانی ئەم دوو هاوڵاتیە بۆ ناشارەزایی لە مەلەکردن بێت.
تەرمی سامان نەجەفی “کوڕ” دۆزراوەتەوە و بۆ لێکۆڵینەوەی زیاتر ڕدەستی پزیشکی یاسایی شاری سنە کراوە، بەڵامتا ئێستا تەرمی سدیق نەجەفی “باوک” نەدۆزراوەتەوە و گەڕان بۆ دۆزینەوەی تەرمی ناوبراو بەردەوامە.
