زاگرۆس پۆست
هێزەکانی ئەمنیەتی و ئینتزامی ڕژیم لە شاری ورمێ بۆ دەستبەسەر کردنی هاوڵاتیەکی کورد،لە کاتی ڕاودوونانی ئەو هاوڵاتیە بە هۆی بەربوونەوە لە بەرزاییەوە گیانی لە دەست دەدات.
ئێوارەی ڕۆژی سێشەممە١٣ی خەرمانان، هێزە ئینتزامییەکان و ئەمنیەکانی ڕژیم لە شاری ورمێ لەگەڕەکی شارەکی زانکۆی ئەو شارە هێرشیان کردووەتە سەر ماڵی هاوڵاتیەکی کورد بە ناوی “عەرەب تیوو”تەمەن ٣٨ ساڵ ، و هەوڵی دەستبەسەر کردنی ناوبراویان داوە.
بە پێی هەواڵی گەیشتوو بە ماڵپەڕی زاگرۆس پۆست؛ ناوبراو لە دەستی هێزە ئینتزامییەکان هەڵهاتووە و بەهۆی کەوتنەخوارەوە لە بەرزایی سەر بان، دەستبەجێ گیانی لە دەستداوە.تەرمی ئەو هاوڵاتیە کوردە ڕەوانەی نەخؤشخانەی شاری ورمێ کراوە و تا ئێستا ڕادەستی بنەماڵەکەی نەکراوە.
