زاگرۆس پۆست
عەلی خامنەیی، لە نامەیەکدا بۆ سادق لاریجانی سەرۆکی دەزگای دادوەریی ئێران، فەرمانی داوە لێژنەیەک پێک بهێندرێت و دەستبەجێ تێکدەرانی بازار سزا بدرێت.
خامنەیی لە نامەیەکدا کە لە وەڵامی سادق لاریجانیدا نووسیویە، فەرمانی کردووەئەوانەی کە بازارتێکدەدەن سزا بدرێن و هاوکات لە دانی حوکم و یەکلاکردنەوەی دۆسییەکاندا لێبڕاوانەتر بجووڵنەوە.
لە نامەیەکدا کە پێشتر سەرۆکی دەزگای دادوەریی ئێران بۆ خامنەیی نووسیوە، لە ١٢ خاڵدا باسی دۆخی ئەم ڕۆژانەی بارودۆخی ئێران دەکات و بە “جەنگی ئابووری لەگەڵ دوژمنان” ناوی لێبردووە و داوای کردووە، بەو پێی ئەوەی کە لە شەڕیکی ئابووریداین، داوا دەکەین ڕێگەمان پێ بدرێت توندتر و لێبڕاوانەتر بەرەنگاری ناڕازیان و تێکدەران ببینەوە.
لە دوای هاتنە دەرەوەی ئەمریکا لە ڕێککەوتنی ئەتۆمی و دەسپێکی یەکەم سزاکانی ئەمریکا بە سەر ئێران و دەست لە کار کشانەوەی زۆرێک لە کۆمپانیا درەکییەکان لەو وڵاتە، دۆخی ئابووریی ئێران داڕمانی زۆری بە خۆیەوە بینیوە و دابەزینی بەهای تمەن لە بەرانبەربە دۆلار بووەتە هۆی ناسەقامگیریی بازاری ئابووریی ئێران و گرانی، بێکاری و ناڕەزییەکان زۆر بوون.
