زاگرۆس پۆست
١٢ کۆڵبەر لە سنوورەکانی شاری سەردەشت ، لە لایەن هێزە چەکدارەکانی ڕژیمی ئێرانەوە، دەستبەسەر کران.
شەوی ٢٠ی گەلاوێژ، هێزە چەکدارەکانی ڕژیم لە پایگای بێوران، ١٢ کۆڵبەری کوردی خەڵکی ئاوایەکانی دەوروبەری شاری سەردەشتیان دەستبەسەر کرد.
بە پێی هەواڵی گەیشتوو بە ماڵپەڕی زاگرۆس پۆست: کاراوانی کۆڵبەران لە نزیک ئاوایی “بێوران”سەر بە شاری سەردەشت دەکەونە بۆسەی هێزە نیزامییەکانی ڕژیم و ٩ کۆڵبەر دەستبەسەر دەکرێن و بۆ پایگای “کەپران”دەگوازرێنەوە.٣ کۆڵبەری دیکە کە خەڵکی ئاوایی باوە بوون لە لایەن هێزەکانی پایگای بەردەپان دەستگیر و ڕاگیراون، کە تا ئێستا چارە نووسیان نادیارە.
