زاگرۆس پۆست
شەوی ڕابردوو لە سنووری نێوان ڕۆژهەڵات و باکووری کوردستان بە تەقەی ڕاستەوخۆی هێزە چەکدارەکانی ڕژیمی ئێران کۆڵبەێک گیانی لە دەستدا.
شەوی سێشەممە ٢ی گەلاوێژ هێزە چەکدارەکانی جێگیر لە پایگای زەینی نێوان باکوور و ڕۆژهەڵاتی کوردستان لە سنووری ورمێ، پۆلێک لە کۆڵبەرانیان داوەتە بەر دەستڕێژی گوللە و لە ئەنجامدا کۆڵبەرێک گیانی لە دەست داوە.
ئەو کۆڵبەرە کوردە بە ناوی ڕەشید محەمەد عەلی خەکی ئاوایی شکڵ ئاباد سەر بە ناوچەی مەرگەوڕ لە پارێزگای ورمێ بووە .
تەرمی ئەو کۆڵبەرە ڕوانەی پزیشکی یاسایی ورمێ کراوە و تا ئێستا ڕادەستی بنەماڵەی ناوبراو نەکراوەتەوە.
بە پێی هەواڵی گەیشتوو بە ماڵپەڕی زاگرۆس پۆست:لە ئانجامی ئەو دەستڕێژیە چەند کۆڵبەری دیکەش بریندا بوونە کە تا ئێستا چارە نوووسیان نادیارە.
