زاگرۆس پۆست
هاووڵاتییانی شاری سەقز، لە مانۆڕەکانی پادگانی ئەرتەش لەم شارەدا ناڕازی بوون و ڕخنەی توندیان گرت.
بەپێی هەواڵی گەیشتوو بە ماڵپەڕی زاگرۆس پۆست مانۆڕی تۆپخانەکانی پادگانی ئەرتەشی سەقز لە ماوەی چەند ڕۆژی ڕابردوودا بووەتە هۆی بێزاریی خەڵکی ئەم شارە و ناڕەزایەتی خەڵکی لێکەوتەوە.
پادگانی ئەرتەشی سەقز لە کاتی پشوودانی خەڵک، واتە زۆرتر لە دوایی نیوەڕۆاندا دەست بەئەنجامدانی مانۆڕی تۆپخانەکانی دەکات و ئەم کارەی ئەرتەش بووەتە هۆی ناڕەزایەتیدەربڕینی خەڵکی سەقز.
لە ماوەی چەند ڕۆژی ڕابردوودا، پادگانی ئەرتەشی سەقز بۆ ئەوی ترس و دڵەڕاوکێ بخاتە نێو دڵی خەڵکەوە بە بەکارهێنانی تەقەمەنی شەڕ مەشقی تۆپهاوێژیی لە دەور و بەری شاری سەقزی دەست پێ کردووە.
