زاگرۆس پۆست
دوو شەڕڤانی کوردی رۆژهەڵاتی کوردستان لە شەڕ لەگەڵ هێزەكانی سوپای توركیا لە كانتۆنی عەفرین لە رۆژئاوای كوردستان گیانیان بەخت كرد.
سەرچاوەكانی هەواڵی رۆژئاوای كوردستان بڵاویانكردەوە كە دوو شەڕڤانی کورد بە ناوەکانی”کاوە مەجیدی” بە ناوی خوازراوی “باهۆز” خەڵکی جوانڕۆ، و “حەمیدە دودکانی میلان” بە ناوی خوازراوی “بەرفین زیلان” خەڵکی ماکۆ لە شەڕ لەگەڵ هێزەکانی سوپای توركیا گیانیان بەخت كرد.
ڕۆژی شەممە ٣٠ی بەفرانبار، حكومەتی تورکیا هێرشی بەربڵاوی ئاسمانی بۆ سەر شاری عەفرین دەستپێکرد كە تا ئێستاش بەردەوامە‌و لەم ماوەیەكدا ژمارەیەک خەڵكی مەدەنی كوژراوو برینداربوون.
