زاگرۆس پۆست
حكومەتی ئەمریكا بەنیازە زانیاریی لەسەر ئەو كەس‌و لایەنانە كۆبكاتەوە كە لەسەركوتی خۆپیشاندەران بەشدارییان كردوە‌و پاشان ئەم كەسانە لە لیستی ئابلۆقەكان دژی ئێران دادەنێت.
بەپێی راپۆرتێكی ئاژانسی رۆیتەرز، بەرپرسێكی ئەمریكایی كە ناوی ئاشكرا نەكردوە، ئەمرۆ چوارشەممە وتویەتی كە واشنگتۆن پلانێكی وای لەبەردەستدایە‌و پاش كۆكردنەوەی زانیاریی لەسەرئەو كەسانەی سەركوتی خۆپیشاندەرانیان كردوە، لە لیستێكدا بە ئابلۆقەكانی سەر ئێران زیاد دەكرێت.
رۆژێكی پێشتر هێدر نیۆرت، وتەبێژی وەزارەتی دەرەوەی ئەمریكا وتبووی ئابلۆقە یەكێك لە ئامرازەكاین دەستی ئەمەریكایە كە بتوانێت بەرامبەر بە ئێران كاردانەوە نیشان بدات.
