زاگرۆس پۆست
بەداخ و پەژارەیەکی زۆرەوە ئۆتۆمبیلێکی دیکەی کاروانی یارمەتی گەیاندن بە ھاوڵاتییانی بوومەلەرزە لێدراو تووشی رووداوی ھاتوچۆ بوو.
بە پێی ئەو ھەواڵەی بە زاگروس پۆست گەیشتووە: دوێنێ ھەینی کاروانێکی دیکە لە یارمەتییەکانی خەڵکی شاری سنە بۆ ھاوڵاتییانی بوومەلەرزە لێدراو بەڕێ کرا، کە بەداخەوە یەکێک لە ئۆتۆمبیلەکان لە ناوچەی داڵاھوو تووشی رووداوی ھاتوچۆ بوو و بەو ھۆیەوە سێ کەس بە سەختی بریندارن.
ناوی ئەو سێ ھاوڵاتیەی خەڵکی سنە بریتین لە: ئارێز ساعدپەنا، ئەمیر بەرازەندە و سامان ئەحمەدی.
شایانی باسە، ئەم ھاوڵاتییان چەندین ئۆتۆمبیلی بارھەڵگر و ئۆتۆمبیلێکی سەوارییان پێ بووە و ھەڵگری ئەو یارمەتییانە بوون کە خەڵکی گەڕەکی خیابانی یانزە میتری شاری سنە کۆیان کردووەتەوە و ئۆتۆمبیلە سەوارییەکە بە ھۆی ماندووبوونی زۆری شۆفیرەکەیەوە تووشی ئەو رووداوە بووە.
