زاگرۆس پۆست
رێكخراوی لێبوردنی نێودەوڵەتی داوای ئازادكردنی دەستبەجێی محەمەد نەزەری‌و مەحمود ساڵحی، بەندكراوانی كورد لە زیندانەكانی ئێران دەكات.
بەپێی راپۆرتی رێكخراوەكە، مەحمود ساڵحی و محەمەد نەزەری دوو زیندانیی باوەڕمەند بە هۆی ناجێگربوونی باری تەندروستیان لە ڕۆژانی ڕابردوودا بۆ نەخۆشخانە گوازراونەتەوە و لە کاتی چارەسەریی دەستیان بە تەختی نەخۆشخانە بەند کرابوو.
ڕەها بەحرەینی، لێکۆڵەری ڕێکخراوەكە لە کاروباری ئێران، لەسەر ئەو بابەتە دەڵێت: “جێگای داخە کە بەرپرسانی ئێران بە جێگای ئازاد کردنی دەستبەجێی مەحموود ساڵحی و محەممەد نەزەری، ئەو دوو کەسەیان وەک تاوانبار قۆڵبەست کردووە و لە گەڵ ئازار و ئەشکنجە و سووکایەتی کردن بەرەوڕوو بوونەتەوە”.
