زاگرۆس پۆست
لە ساڵڕۆژی دەستگیرکردنی عەبدوڵا ئۆجەلان، سەرۆكی بەندكراوی پەكەكە، کچ و کوڕێکی سەر بە پارتی کرێکارانی کوردستان لە شارۆچکەی مەخموور لەنزیك هەولێر، خۆیان تەقاندەوە.
لەمبارەیەوە جەمال مورتكە، بەرپرسی میحوەری گوێڕی ھێزی پێشمەرگەی کوردستان، ڕاگەیاندوە: “شەوی ڕابردوو بەھۆی ساڵیادی دەستگیركردنی عەبدوڵا ئۆجەلانـەوە، یەكێك خۆی تەقاندووەتەوە و ئەم بەیانییەش یەكێكی دیكە خۆی تەقاندووەتەوە كە كچ و كوڕێك بوون”.
دەبارەی کاریگەری ئەو ڕووداوە لەسەر ئاسایشی ناوچەکە، بەرپرسی محیوەری گوێڕی هێزی پێشمەرگەی کوردستان، دەڵێت: “لە هەموو مێژووی گەلی کوردستان شتی وا نەبووە کە خەڵک هان بدرێت بۆ خۆتەقاندنەوە، ئەوەش کراوە، بۆ چاوسوور کردنەوەیە، کۆمەڵگەی نێودەوڵەتیش بەخراپ لێکیان داوەتەوە”.
